چین، شینزو -13 کے خلابازوں نے طے شدہ مشن کامیابی سے مکمل کرلیا

بیجنگ (آئی این پی)چائنا مینڈ اسپیس انجینئرنگ آفس کی معلومات کے مطابق، بیجنگ کے وقت کے مطابق پیر کی صبح ایک بج کر سولہ منٹ پر، تقریباً ساڑھے چھ گھنٹے کی خارجی سرگرمیوں کے دوران، شینزو 13 کی خلاباز ٹیم نے مل کر کام کیا اور کامیابی سے باہر نکلنے کے تمام طے شدہ کاموں کو مکمل کیا ۔خلابازجائی جی گانگاور خلاباز وانگ یاپھنگ بحفاظت تھیان حےکے بنیادی کیپسول میں واپس آگئے، اور ان کی باہر نکلنے کی سرگرمیاں مکمل طور پر کامیاب ثابت ہوئی ہیں۔
یہ خلائی اسٹیشن کی تعمیر کے مرحلے کے دوران خلابازوں کے باہر نکلنے کی تیسری سرگرمی ہے، شینزو- 13 خلاباز عملے کی پہلی خارجی سرگرمی ہے، اور چین کی خلائی تاریخ میں پہلی خارجی سرگرمی ہے جس میں خاتون خلاباز شامل تھی۔ خلابازوں کے باہر نکلنے کے دوران، ان کا خلا اور زمین سے بہترین رابطہ برقرار رہا، اور کیبن کے اندرونی اور بیرونی حصوں میں بھی بہترین کوارڈی نیشن قائم رہی ۔ یہ سارا عمل نہایت کامیابی کے ساتھ مکمل کیا گیا۔چین کی نئی نسل کے ایکسٹرو ویکیولر اسپیس سوٹس کی فعال کارکردگی، خلابازوں کی روبوٹک آلات کے ساتھ کام کرنے کی صلاحیت، اور باہر نکلنے والی سرگرمیوں سے متعلق معاون آلات کی فعالیت اور حفاظت کی مزید جانچ کی گئی۔