ملک کے 8 شہروں میں سینما کھولنے کی اجازت

اسلام آباد (آئی این پی) عالمی وبا کورونا وائرس کے کیسز میں کمی اور ویکسین لگوانے والے افراد کی تعداد میں اضافے کے بعد حکومت نے ملک کے 8 شہروں میں سینما گھروں کو کھولنے کا اعلان کردیا۔ تفصیلات کے مطابق وفاقی حکومت نے راولپنڈی، اسلام آباد سمیت 8 شہروں میں سینما گھروں کو کھولنے کی اجازت دے دی ہے۔ واضح رہے اس وقت بڑی فلموں میں ‘قائداعظم زندہ باد’، ‘چکر’، ‘پردے میں رہنے دو’، ‘یارا وے’، کھیل کھیل میں’ اور ‘پیچھے تو دیکھو’ سمیت دیگر ریلیز ہونے کو تیار ہیں اور حکومت کی جانب سے سینما کھولنے کی اجازت کے بعد ان کی جلد ریلیز کا امکان ہے۔