معروف شاعر اور سابق ایڈیشنل سیکرٹری قومی اسمبلی طاہر حنفی کا پانچواں شعری مجموعہ رشک افلاک شائع

اسلام آباد(آئی این پی ) معروف شاعر اور قومی اسمبلی کے سابق ایڈیشنل سیکرٹری طاہر حنفی کا پانچواں شعری مجموعہ ”رشک افلاک”شائع ہو گیا ۔قیام پاکستان کے 75 سال مکمل ہونے پر جشن الماسی کی نسبت سے 75 غزلوں اور 75 اشعار کے علاوہ نعت رسول مقبول ،علامہ اقبال رح اور قائد اعظم رح پر نظمیں شعری مجموعے میں شامل ہیں جسے قلم فاؤنڈیشن لاہور نے علامہ عبدالستار عاصم کی زیر نگرانی شائع کیا ہے۔اس سے قبل طاہر حنفی کے چار شعری مجموعے” شہر نارسا” (2014)،”گونگی ہجرت”(2019)،”خانہ بدوش آنکھیں(2020)” اور”یرغمال خاک”(2021) ادبی حلقوں میں پزیر آء حاصل کر چکے ہیں۔