راولپنڈی کی سب سے بڑی نجی ہائوسنگ سوسائٹی میں مسلسل لوڈشیڈنگ سے رہائشی عذاب میں مبتلا، سوسائٹی انتظامیہ کے جنریٹر اور متبادل انتظام کے دعوے دھرے رہ گئے، سوسائٹی کے رہائیشیوںکا واپڈا اور دیگر اعلی حکام سے فوری نوٹس لینے کا مطالبہ

راولپنڈی(آئی این پی ) راولپنڈی کی سب سے بڑی نجی ہائوسنگ سوسائٹی میں مسلسل لوڈشیڈنگ سے رہائشی عذاب میں مبتلا، سوسائٹی انتظامیہ کے جنریٹر اور متبادل انتظام کے دعوے دھرے رہ گئے، سوسائٹی کے رہائیشیوں نے واپڈا اور دیگر اعلی حکام سے فوری نوٹس لینے کا مطالبہ کر دیا، تفصیلات کے مطابق شدید گرمی میں راولپنڈی کی سب سے بڑی نجی ہائوسنگ سوسائٹی کے فیز 4 اور فیز 7 میں ہر روز گھنٹوں بجلی کی بندش معمول بن چکا ہے،نجی ہاوسنگ سوسائٹی کی فیز4کے132 کے وی کے گرڈ اسٹیشن جبکہ فیز7میں 220کے وی کے گرڈ اسٹیشن پر طویل لوڈشیڈنگ کی جا رہی ہے ۔ نجی ہائوسنگ سوسائٹی میں رہائش پذیر نے واپڈا کے اعلیٰ حکام سے سوسائٹی کے غیر اعلانیہ لوڈشیڈنگ کے فوری خاتمے کا مطالبہ کیا ہے ۔ واضح رہے کہ بجلی بلوں کی مد میں 608ملین روپے کے بقایا جات کی عدم ادائیگی کی صورت میں آئیسکوانتظامیہ نے نجی ہائوسنگ سوسائٹی کو بجلی منقطع کرنے کا نوٹس جاری کر رکھا ہے۔