سونے کی قیمت میں نمایاں کمی۔۔

کراچی (آ ئی این پی)امریکی ڈالر کی قدر میں نمایاں کمی کے اثرات مقامی صرافہ مارکیٹوں پر بھی سونے کی قیمت میں کمی صورت میں مرتب ہوئے،نجی ٹی وی کے مطا بق جہاں بین الاقوامی بلین مارکیٹ میں فی اونس سونا 4 ڈالر کمی سے 1239 ڈالر کی سطح پر پہنچنے کے باعث جمعرات کو فی تولہ اور فی دس گرام سونا بالترتیب 1000 اور 857 روپے کی نمایاں کمی سے 60700 اور 52040 روپے پر آگیا۔اس کے علاوہ فی تولہ چاندی 820 اور فی دس گرام 703روپے پر مستحکم رہی۔