بیجنگ (آئی این پی)آٹھ سے سترہ دسمبر تک بیجنگ سرمائی اولمپکس کی انتظامی کمیٹی کے متعلقہ محکموں نے بیجنگ اور چانگ جیاکھؤ شہر کے متعلقہ اداروں کے ساتھ مل کر سرمائی اولمپک وینیوز پر بلا رکاوٹ سہولیات کی حتمی جانچ کا مرحلہ مکمل کیا ۔اس دوران متعلقہ سہولیات ، آپریشن پلان اور خدمات کے معیار کو مزید بہتر بنانے کی کوشش کی گئی ۔ تاکہ کھیلوں کے تمام وینیوز پر اعلیٰ معیار کی بلا رکاوٹ سہولیات فراہم کی جائیں ۔
بیجنگ سرمائی اولمپکس کی انتظامی کمیٹی کے پیرا اولمپکس ڈیپارٹمنٹ اور دیگر محکموں نے رہائش گاہوں، ریستورانوں،جمنازیم اور طبی مراکز سمیت پیرا کھلاڑیوں کے لیے استعمال کی جانے والی رکاوٹوں سے پاک تمام سہولیات کا تفصیلی معائنہ کیا۔
