متعدد مرتبہ بھارت سے فلم لکھنے کی پیشکش کی گئی مگر صاف انکار کر دیا،ڈرامہ نگار خلیل الرحمان قمر

لاہور (آئی این پی)معروف پاکستانی مصنف اور ڈرامہ نگار خلیل الرحمان قمر نے انکشاف کیا ہے کہ متعدد مرتبہ بھارت سے فلم لکھنے کی پیشکش کی گئی مگر صاف انکار کر دیا۔تفصیلات کے مطابق گزشتہ دنوں ایک نجی ٹی وی کے شو میں گفتگو کرتے ہوئے خلیل الرحمان قمر نے کہا کہ مجھے بھارت سے بہت سے آفرز ہوئی ہیں، جب 2006میں پہلی دفعہ بھارت گیا تو میں نے دیکھا کہ ٹی وی پر سب چینلز تھے مگر پاکستان کا کوئی چینل نہیں تھا، اس وجہ سے بھارت میں لوگ ہم پاکستانیوں کو جانتے ہی نہیں۔ انہوں نے کہا کہ اس وقت تک بھارت کیلئے کام نہیں کروں گا جب تک وہاں پاکستانی لوگوں کی اپنی پہچان نہیں بن جاتی۔انہوں نے کہا کہ مہیش بھٹ کے علاوہ بھی ایک بھارتی فلم ڈائریکٹر نے انہیں فلم لکھنے کی آفر کی مگر انہیں بھی منع کر دیا۔خلیل الرحمان قمر نے کہا کہ متعدد دیگر افراد کے ساتھ ساتھ مہیش بھٹ نے بھی فلم لکھنے کی پیشکش کی لیکن کچھ وجوہات کی بنا پر لکھنے سے صاف منع کر دیا۔