بھارت کو کشمیریوں پر ظلم اور حقوق سلب کرنے سے روکنا ہوگا،وزیراعظم بھارت مقبوضہ کشمیر میں آبادی کا تناسب بدل رہا ہے، 25 ہزار بھارتیوں کو کشمیر کا ڈومیسائل جاری کرنا غیر قانونی ہے، وزیراعظم عمران خان کا ٹویٹ

اسلام آ باد (آئی این پی ) وزیراعظم عمران خان نے کہا ہے کہ بھارت کو کشمیریوں پر ظلم اور حقوق سلب کرنے سے روکنا ہوگا، یو این سیکریٹری جنرل و دیگر ممالک کے سربراہان کو آگاہ کیا۔وزیراعظم عمران خان نے سماجی رابطے کی ویب سائٹ پر ٹویٹ کرتے ہوئے کہا بھارت نے پہلے مقبوضہ کشمیر کے غیر قانونی الحاق کوشش کی، بھارت مقبوضہ کشمیر میں آبادی کا تناسب بدل رہا ہے، 25 ہزار بھارتیوں کو کشمیر کا ڈومیسائل جاری کرنا غیر قانونی ہے۔