خادم حرمین شریفین کا منصوبہ برائے ترجمہ خطبہ عرفہ

ریاض (آئی این پی)خادم حرمین شریفین شاہ سلمان بن عبدالعزیز آل سعود کی ہدایت کے مطابق رئاسہ عامہ برائے امور مسجد حرام ومسجد نبوی کی نگرانی میں حج سنہ 1439 ہجری کے موقع پر آج (جمعرات کو) مختلف زبانوں میں یوم عرفہ کے خطبہ کا ترجمہ پیش کیا جا ئیگا۔ اس سال یعنی 1441 ہجری میں رئاسہ، یوم عرفہ کے خطبہ کے ترجمہ کے پراجیکٹ کے تحت دس عالمی زبانوں میں خطبہ کا ترجمہ پیش کیا جارہاہے جن میں انگریزی۔فرانسیسی ، انڈونیشی، اردو، فارسی، روسی، بنگلہ، چینی، ترکی اور ہوسا شامل ہیں
واضح رہے رئاسہ، بیت اللہ الحرام کے حاجیوں اور پورے عالم اسلامی سے یوم عرفہ کے خطبہ سننے والے مسلمانوں کیلئے ترجمہ کی خدمت فراہم کرنے کی نگرانی کرتا ہے۔ اس پراجیکٹ نے اپنے پہلے سال 1439 ہجری میں پانچ زبانوں میں ترجمہ کی سروس فراہم کی تھی جسے تقریبا ً دنیا کے مختلف گوشوں سے تعلق رکھنے والے تیس لاکھ افراد نے سنا، سنہ 1440ہجری کے حج کے موسم میں خطبہ کا چھ زبانوں میں ترجمہ کیا گیا ، اس سال خطبہ کا فوری ترجمہ تقریبا ً4 لاکھ افراد نے سماعت کیا۔
ا س پراجیکٹ کے اہداف یہ ہیں کہ :
1- اللہ کے مہمانوں کی آسانی کیلئے افضل ترین سبیل پیش کرکے اور ان کے دینی سفر کو فوائد ومنافع سے مالا مال کرکے حاجیوں کی خدمت میں مملکت کے تابنا سفر کو منزل تک پہنچانا۔
2- وسطیت واعتدال اور اقدار ومحاسن میں اس دین حنیف کی روشن تصویر کو ظاہر ونمایاں کرنا
3- مطلوبہ شرائط وضوابط کے مطابق مختلف زبانوں میں نشر کے قابل علمی مواد پیش کرنا
4- جدید ٹکنالوجی کے وسائل کا استعمال کرکے پوری دنیا کے سامنے اس دین حنیف کا پیغام پہنچانے کو یقینی بنانا
اس پراجیکٹ سے استفادہ کرنے والے:
مشعر عرفہ میں موجود عربی نہ بولنے والے حاجیوں اور عالم اسلامی کے تمام ممالک کیلئے اور غیر مسلمین میں سے خطبہ سننے کا شوق رکھنے والوں اور اس کا اہتمام کرنے والوں کیلئے خطبہ کا آڈیو ترجمہ نشر کرناہے ترجمہ سننے کے وسائل یہ ہیں
اسمارٹ فون میں خطبہ عرفہ کے ترجمہ کیلئے موبائل ایپ Arafat Sermon app))
مختلف زبانوں میں خطبہ کیلیے مخصوص ویب سائٹ www.arafat.gph.gov))
رئاسہ عامہ برائے امور مسجد حرام کا الیکٹرانک پورٹل (www.gph.gov.sa)
منار الحرمین فورم https://manaratalharamain.gov.sa))