چینی میڈیکل ٹیم کی جانب سے نیپال میں آنکھوں کے مفت آپریشن

ؤکھٹمنڈو(آئی این پی/شِنہوا)چین کی میڈیکل ٹیم نے 50سے زائد نیپالی مریضوں کو آنکھوں کے موتیے کے مفت اپریشن کی سہولتیں فراہم کیں،یہ دونوں ممالک کے درمیان طبی تعاون مضبوط بنانے کے پروگرام کا حصہ ہے،میڈیکل ٹیم نے چینی شنزن ،چائو کنگ چیرٹی کے تحت یہ اپریشن کیے،جو اپنی قسم کا پانچواں مشن تھا،اپریشن من موہن میموریل ہسپتال میںگزشتہ دنوں کیے گئے،وفاقی پارلیمنٹ کے ارکان اور دیگر نیپالی افسران نے نیپال میں چین کے سفیر ہویانکی کے ہمراہ مریضوں کے وارڈ کا دورہ کیا۔